Сәкен Майғазиев бастаған еліміздің эстрада жұлдыздары қазақ елін Тәуелсіздік мерекесімен құттықтады. Бұл туралы әнші өзінің Instagram парақшасында жариялады.

«Ассалаумағалейкум, ардақты отандастар! Тәуелсіздік жолында құрбан болған барша қыршындарымызды, боздақтарымызды Алла Тағала мейіріміне бөлесін. Тәуелсіздігімізді Алла Тағала қияметке дейін жеткізсін. Біз ол қиындықты көрмедік. Мұз жастанған жоқпыз, қар жамылған жоқпыз. Десек те, осы отандастарымызды шын жүрегімізбен, қанмен, термен келген Тәуелсіздігімізбен құттықтаймыз», деп Сәкен Майғазиев видео үндеу жолдады. 

Сондай-ақ, Сәкен Майғазиев желтоқсаншы әпке-ағаларымызды видеоға түсіріп өзінің әлеуметтік желідегі парақшасына жүктеген.