Шымкент әуежайының жолаушылар терминалының екінші кезеңі аяқталуға жақын

Oinet.kz 25-11-2021

Шымкент қаласының әкімі Мұрат Әйтеновтің тапсырмасына сәйкес,  әуежайдың жаңа жолаушылар терминалының құрылыс жұмыстары жүргізілуде.  Бүгінгі таңда жобаның бірінші кезеңі толығымен 100 пайызға орындалды. Ал жобаның екінші кезеңі бойынша құрылыс жұмыстары қарқын алған. Қасбеттік жүйелерді монтаждау жұмыстары аяқталды. Қазіргі таңда, жолаушылар терминалы құрылысының 80 % жұмыстары орындалды. 

image.png

Шымкент қаласы әкімінің орынбасары Мақсұт Исахов әуежайдың жаңа жолаушылар терминалының құрылыс жұмыстарымен танысты. Одан бөлек Мақсұт Пернебайұлы әуежай аумағын абаттандыруға арналған жобалардың жүзеге асырылу барысын аралап көрді. 

Өткен жылы қала әкімдігімен 912 млн теңгеге әуежай алдындағы алаңдағы автотұрақты абаттандыру бойынша жұмыстар жүргізіліп, аяқталған болатын. Ал жобалық құны 1,7 млрд теңге құрайтын жаңа кірме жолды салу бойынша жұмыстар да аяқталып отыр. 

Шымкент қаласы әкімдігінің баспасөз қызметі

Берекелі де, меркелі «Алтын күз!»
Шымкентте құлпынай өсіру қолға алынуда


Сәйкес тақырыптар
Көтерілу
×