Питер Пэн шығармасын бала кезімізде сүйіп оқитынбыз. Ғажайып оқиғаларға толы Джеймс Барридің шығармасындағы бала Питер ешқашан қартаймайтын, өмір бойы жас, балғын күйінде жүретін образ ретінде суреттеледі. Бірақ оның ешқандай сиқырлығы жоқ. Жазушы оны жайдан-жай есеймейтін бала етіп көрсеткен жоқ. Шындығында шығарма он төрт жасында өмірден озып, анасы мен бауырларының жадында мәңгілікке балғын, жас күйінде сақталған автордың ағасына арналған.
