Елімізге белгілі әнші, "Қазақконцерттің" директоры Жеңіс Сейдоллаұлының анасы бақилық болды.Суыт хабарды әнші Мөлдір Әуелбекова Instagram парақшасында жеткізді деп хабарлайды oinet.kz тілшісі.
"Қазақконцерт" ұйымы мекеме басшысы Жеңіс Сейдуллаұлына, отбасына және туған-туысқандарына ардақты анамыз Рысмамбетова Үрзипа Кәрібайқызының өмірден озуына байланысты қайғырып көңіл айтады. Сұрапыл соғыстың тауқыметін көріп, тылда еңбек еткен, 10 баланы дүниеге әкелген батыр ана бейнетінің зейнетін көріп, ұл-қызының ортасында бақытты ғұмыр кешті. Апамыздың иманы жолдас болып, нұрлы да мөлдір жаны бейіште шалқысын" , - деп әнші көңіл айтты.
Желі қолданушылары орны толмас қазаның арты қайырлы болсын деп жарыса көңіл айтуда.
