Президенттің тапсырмасы бойынша жүзеге асып жатқан «Таза Қазақстан» экологиялық акциясы Шымкенет қызу жалғасуда. Бұл туралы Шымкент қаласы әкімдігінің баспасөз қызметі хабарлады.

 Қаратау ауданы аумағында кешенді тазалау жұмыстары күнделікті кестеге сәйкес атқарылуда. Бұл бағыттағы шаралар мердігер мекеме “Жасыл-Жер Шымкент” ЖШС тарапынан тұрақты жүргізіледі. Бекітілген кестеге сәйкес тазалық қызметкерлері жаяу жүргіншілер мен автокөлік жолдарын сыпырып, көгалдарға күтім жасайды, қоқыс жәшіктерінің таза, бос болуын қадағалап, жасыл желектерді суарады.

Сондай-ақ, биіктігі 15 см-ден асатын шөптерді шабу, ағаштарды санитарлық кесу, жасыл желектерді құрғақ минералды тыңайтқыштармен қоректендіру, талдардың түптерін ақтау жұмыстары атқарылады. Тазалық жұмыстарына 150-ден астам жұмысшы, 15 техника жұмылдырылуда.

--Қала тазалығы - баршамыз үшін маңызды. Сондықтан да әрбір тұрғынды сүйікті қаламызды таза ұстауға шақырамыз,-деп хабарлады Шымкент қаласы Қаратау ауданы әкімдігі.

«Таза Қазақстан» республикалық апталық акциясы аясында Абай ауданына қарасты Асар мөлтек ауданында тазалық жұмыстары жүргізілді. Акцияға "AMANAT" партиясы Шымкент қалалық филиалының төрағасы, мәслихат төрағасы Бахадыр Нарымбетов, қалалық филиал Атқарушы хатшының м.а. Бекайдар Тулегенов, зиялы қауым өкілдері, ардагерлер, мәслихат депуттары қатысты. Сондай-ақ партия қызметкерлері, қалалық "Жастар Рухы" ЖҚ белсенділері, бастауыш партия ұйымдары мен БАҚ өкілдері белсенділік танытты. Бұл туралы «Шымкент келбеті» басылымы хабарлады. 

«AMANAT» партиясының ұйытқы болуымен «Таза Қазақстан» жалпыұлттық науқаны аясындағы «Таза бейсенбі» республикалық экологиялық акциясы осы санаттағы іс-шаралардан ерекшілігі – ол елді мекен аумақтарын қоқыстан тазарту бойынша «нүктелік» жұмыс жүргізуге бағдарланған.

Айта кетейік, тазалық пен тәртіпті сақтау жобаның барлық қатысушыларының қоршаған ортаға жауапкершілікпен және саналы көзқарасын қалыптастыруға ықпал ете отырып, күнделікті өмірдің маңызды бөлігіне айналады.

«AMANAT» партиясы осы науқанды өткізу арқылы қоғамда экологиялық сана мен мәдениетті тәрбиелеуді маңызды міндет деп белгілейді және барша отандастарымызды бүгін мен болашаққа арналған игі істі қолдауға шақырады.