Ауыл шаруашылығы министрлігі Су ресурстары комитетінің төрағасы Ислам Әбішев қызметінен босатылғанын хабарлады. Оның қызметтен не үшін босатылғаны туралы әзірге ешқандай мәлімет жоқ.
Ислам Әбішев ұзақ жылдары Оңтүстік Қазақстан облысы әкімінің бірінші орынбасары болып істеген. Одан кейінгі жылдары Өскемен қаласының әкімі болған. Су ресурстары комитетінің төрағасы қызметін 2012 жылдан бергі аралықта атқарып келген.
Ислам Әбішевтің қызметтен кетуі Ауыл шаруашылығы министрлігі басшылығындағы ауыс-түйіспен байланысты болуы әбден мүмкін. Жуырда бұрынғы министр Өмірзақ Шөкеев Түркістан облысының әкімі болып тағайындалды. Министрдің креслосы мәжіліс депутаты Сапархан Омаровқа бұйырды.
Ислам Әбішев биыл мамырда зейнет жасына толады.
