Балалардың адамгершілік қасиеті, отбасының өзіне деген көзқарасына байланысты болады.
Балаларды адамгершілікке тәрбиелеу ата – ананың қолында. Себебі ата – анасы өздерін ортада қалай ұстаса бала соған қарай бейімделеді. Кейбір ата – аналар өз балаларына әділдік танытпайды, істеген істерін мазаққа айналдырып, кемсіту арқылы баланың психологиясының бұзылуына әкеп соқтырады.
Әрдайым бала ата – анасының назарының өзінде болғанын бірге серуендеп, досы сияқты әңгімелесуді,уақытты бірге өткізуді қалайды.
Балаға жақсы мен жаманды айыра білуге, адамгершілікке баулуды үйрете білу керек.
Баланы мейрімді етіп тәрбиелеуге, қолындағы ойыншықтарын, тәттілері мен өзге заттарын басқамен бөлісе білуді үйретіп отыру қажет.
Ең бастысы баланың бейімін аңғару қажет. Соған сай ата – ана әрекет ете білуі керек екенін түсіну.
Ешқашан балаға дауыс көтеріп, қорқытуға болмайды. Әйтпесе бала тұйықталып, ешкіммен араласпай, дөрекі қылықтарын көрсете,өмірге деген көзқарасы өзгеруі мүмкін.
Балаңды тәрбиелегің келсе, ең алдымен өзіңді тәрбиеле деген асыл сөзді ұмытпайық.
Дереккөз : anabol.kz
