Мен бұл хатты жазуға мәжбүр болып отырмын. Заңгер ханым, сіздің көмегіңіз керек. Жұбайымыз екеуіміздің балаларымыз болмады, сондықтан бала асырап алуға тура келді. Міне, енді тағырдың жазуымен ажырасқалы жатырмыз. Балам асырап алған болғандықтан алимент төленеді ме екен, соны білгім келеді. Өзімнің бала асырауға табысым жеткіліксіз. Ойымды мазалаған осы сұрақтарға сізден жауап күтемін. Үлкен рахмет!
Сәуле Мұхитқызы
Гаухар Айтжанова, заңгер:
Сәлеметсізбе, Сәуле ханым! Екеуініздің асырап алған ортақ балаларыңыз болғандықтан, әрине, төленеді. Асырап алынған балалар да алиментке құқылы. Кодекстің 6-бабына сәйкес, балаға алимент ретінде тиісті сома баланың ата-анасына немесе басқа заңды өкілдеріне түседі және баланы асырауға, біліміне және тәрбиесіне шығындалады.
Дереккөз : anabol.kz
