Қарым-қатынаста көркем мінезді болыңыз .
Адамады ізгілікке жетелейтін адами құндылықтардың маңызды жүйесі, тұлға аралық қарым-қатынастың дұрыс болуы. Адамдармен дұрыс қарым-қатынас жасау дегеніміз не? Жауабын білгіңіз келсе, жақсы қарым-қатынасты қалайтын болсаңыз, төмендегі кеңеске құлақ түріңіз:
1.Қызметтік қарым-қатынастар.
Қызмет бабында өз жеке мәселеңізді әріптестеріңізге айтпауға тырысыңыз. Неге? Өйткені өз жұмысымен басы қатып отырған әріптесіңіз сіздің әңгімеңізден жалығуы мүмкін.
Әріптесіңіздің көңіл-күйіне мән беріңіз. Көңіл-күйі жоқ болса мазасын алмауға тырсыңыз.
Егер сіз басшы немесе, орынбасар болсаңыз, үлкен жиналыстарда әріптесіңіздің жұмысы көңіліңізден шықпаса , жеке қабылдауға шақырып мән жайды түсіндіріңіз. Осы жерде мына төмендегі керемет сөзді есте сақтауға тырысыңыз.
- Сеніңше, ең жоғары адамгершілік қасиет не? - Біреуді ұялудан құтқару. Ф.Ницше.
Әріптесіңізбен жақсы қарым-қатынаста болу үшін, жылы сөз айтыңыз.
Сыйлық жасаңыз арада сыйластық пайда болады. Сыйлық жасау міндет емес. Тек шынайы көңілде екенін түсініңіз.
Әріптестеріңізге өз өмірбаяныңызды айтып, мақтана бермеңіз. Тыңдаушы әріптестеріңізде сіздің әңгімеңізден жалығып кетуі мүмкін.
2. Жеке қарым-қатынастар.
Өзіңіз дос тұтып жүрген құрбыңыз немесе, досыңыз болса айтыңыз. Сізді біле жүрсін.
Үлкеннің ақылын тыңдау, сөзге тоқтау, түлкен-кішіні сыйлау- инабаттылықтың көрінісі. Ғ. Мұстафин.
Үлкен кісі өз ақыл-кеңесін айтса аяғына дейін, бар ынтаңызбен тыңдаңыз.
Ата-анаңызбен сөйлескенде әдепті болыңыз.
Ата-ананың ақыл-кеңестері, өмірлік тәжірбиеден жинақталған тәлім-тәрбиесі мол құнды жақұтты сөздер. Айтылған кеңестерін қолдана біліңіз.
Үш адам тұрып екі адам өздігінен сыбырласуға болмайды,үшінші адам өзін ыңғайсыз сезінуі мүмкін.
Құрбыңызды қызықтыратын әңгімелер айтыңыз. Өзіңіз туралы көбірек айтсаңыз, құрбыңыз сіздің әңгімеңізден жалығып кетуі мүмкін.
Өзіңізді өзгелер сыйласын десеңіз, бірінші өзіңізді сыйлаңыз. Сосын өзгелерді сыйлаңыз.
Жақсы мақтауларды достарыңызға жиі айтып тұрыңыз.
Дөрекі болу- өз басыңның қадір-қасиетін ұмыту деген сөз. Н.Г.Чернышевский
Адами қарым-қатынастың маңыздысы қарым-қатынаста дөрекі болмай, кішіпейіл болыңыз.
Сізден кіші адам ақыл сұраса, қызғаншақтықпен жауап бермей қойған сұрағына шын көңіліңізбен жауап беріңіз. Мүмкін сіздің сол кісіге қайтарған жауабыңыз, өмір бойы есінде сақталуы мүмкін.
Жақсы қарым-қатынас әрқашанда өзгелерді қызықтыратыны рас. Өзгелерге үлгі болсын десеңіз, жүрегіңізді мейіріммен нұрландырыңыз. Сыйластығыңыз кішіпейілділіктен бастау алсын.
Жақын жандарды ренжіткен болсаңыз,татуласуға қадам жасаңыз.
Сіздерге сәттілік тілеймін. Іске сәт!
Дайындаған: ҚР "Қазақ психологиялық қоғамы" бірлестігінің мүшесі, психолог Қанапияева Балжан Нұрғалиқызы
Дереккөз : anabol.kz
