Нидерланд елінің ғалымдары жағымсыз жаңалықтарды көру мен оқымауға кеңес беріп отыр. Себебі, мұндай жаңалықтар адамның денсаулығына айтарлықтай әсерін тигізеді екен.
Нивель институтының бір топ ғалымы арнайы зерттеу жұмыстарын жүргізген. Нәтижесінде бақылауға алынған жандардың денсаулықтары сыр бергенін байқаған. Көбіне жағымсыз жаңалықты көп көретін жандардың жүйкесі жұқарып, түрлі ауруы қозатын көрінеді. Сондықтан да олар дәрігерлер көмегіне көбірек жүгінетін болып шықты. Сондай-ақ, әлемде ірі апат орын алатын болса, сол күні мазасы қашып, жедел жәрдемге хабарласатын жандардың қарасы арта түседі екен.
