Эбола вирусынан туындайтын вирусты тез таралатын жұқпалы дерт. Клиникалық жағдайлардың 50-90%-ы өлімге алып келетіндігінен оның өте қауіптілігін аңғаруға болады.
Вирустың таралу жолдары:
инфекцияға ұшыраған адамның қанымен, және ол адамның бойынан бөлінген басқа да сұйықтықтармен тікелей байланысы;
осы дерттен қайтыс болған адамның денесімен тікелей байланысы;
ауру жануарлармен байланысы;
медицина қызметкерлерінің инфекцияны бақылау және күресу шараларын дұрыс жүргізбеуі.
Эбола безгегінің белгілері:
дене қызуының көтерілуі;
жалпы әлсіздік;
бұлшық еттердің ауруы;
бас ауруы;
тамақ ауруы;
жүрек айнуы;
диарея;
бөртпе;
бүйрек қызметінің бұзылуы;
бауыр қызметінің бұзылуы.
Инкубациялық кезең 2 күннен 21 күн аралығын қамтиды.
Дайындаған: Амангүл Ермекқызы
Дереккөз : anabol.kz
