Белгілі зорлық-зомбылықтың құрбаны болған әйелдер мен балаларға арналған орталықтың координаторы, психолог Ләззат Рақышева өзінің парақшасына бір әйелден келген жазбаны жариялаған. Әйел әпкесінің күйеуінен әбден зәбір көре тұра, ажыраспай жүргенін айтқан, деп хабарлайды Oinet.kz тілшісі. 

"Бір әпкем бар. Күйеуі ұрғыш. 4 баласы бар. "Ұл тусам қоятын шығар" деп, оны да туды. Сонда да таяқ. Ақша тауып аузы мұрнынан артылып отырса мейлі таяққа көнсін. Ең болмағанда баламның қарны тоқ дейтін. Үйленгелі жоқтықтан көз ашпады, туыс-туған көмек беріп тұрады, "ойбай осы жыламасын" деп. Ажырастырып та көрдік, байынсыз өмір сүре алмайды. Еңіреп отырады "байым" деп. Байына кенеше жабысып.

Сомен қойшы, кейін "ажыраспасаң одан әрі өле қал" дедік те қойдық. Бір рет, солай алып кет деп айтқан екен, "алып кетпеймін, келіп ап тағы жылап отырасың" дедік. Неге солай? Таяқ жеп алып, ещё өздері кінәлі болып отырады. Немене сонда байдың бес әрібі алтын ба не? Артық айтсам кешіресіздер!"