Бір жігіт шал- кемпірдің үйіне қонақ болады. Жетпіс бес жасты ата кемпірінен бір кесе су сұрап:

- Гүлім, бір кесе су алып келесің бе?  - деді. Сәлден соң: 

- Ардақтым шәй құйып берші", ізінше: 

- Сұлуым, сені шаршатып қойдым ба, өтініш, шәйіма қант салып берсең - деп мәліме жасайды екен. Қонақ жігіт болса, атаның кемпіріне жасаған мәлімесінде қолданған мейір махаббатқа толы еркелетуші сөздерінен әсерленіп, атаны сұраққа алды:

- Атау шаңырақ құрғандарыңызға қанша уақыт болды?

- Елу жылға жуық болды, балам, - деп күлімсіреді ата. 

- Өз ара мейір махаббатыңыз бен мәмілелеріңізден көңілім қош болды, - деді жігіт. Әжеге Гүлім, Ардақтым, Сұлуым,- деп мәліме жасайды екенсіз...

Әжетайдың екі жүзі қызарып кетіп: 

- Иә, атаң бірнеше жылдан бері осындай, - деді де асханаға бет алды. Сол сәтте ата әлгі жігітке сыбырлап:

- Өзі естіп қалмасын балам, екі жыл болды әжеңнің атын ұмытып қалғанмын, әліде есіме түсіре алмай жүрмін- депті.