Шымкент: Тек алимент өндірумен айналысатын арнайы кеңсе жұмыс істеуде

Oinet.kz 07-08-2024 437

18.jpg 

Шымкент қаласы бойынша жеке сот орындаушылардың өндірісінде 16 091 іс орындауда болып, 2224 атқарушылық өндірісі аяқталған. Бұл туралы бүгін Өңірлік коммуникациялар қызметі алаңында өткен баспасөз конференциясында Шымкент қаласы прокуратурасының әкімшілік және атқарушылық өндірісті қадағалау басқармасы басшысының міндетін атқарушысы Бауыржан Мырзалиев баяндады.

Орындау барысындағы істердің ішінен 35%, яғни, 4927 құжат бойынша алимент борышкерлердің айлық жалақысынан ұсталып жатыр.

Сот орындаушылары айналысатын негізгі істің бірі алимент өндіру. Алимент өндіру әлеуметтік маңыздылығы жоғары атқарушылық өндірістер санатына жатады.

Атап айтқанда 2023 жылы тек алимент өндірумен айналысатын арнайы кеңсе ашылған. Бүгінгі күні онда 5 жеке сот орындаушы және олардың 6 көмекшісі қызмет атқаруда. Сондай ақ Шымкент қаласының Әділет департаменті мен Шымкент қаласының Жеке сот орындаушылар өңірлік палатасы тарапынан аталған кеңседегі жеке сот орындаушылардың санын көбейтуге бағытталған шаралар қабылдануда.

Қаламызда алимент төлеуден жалтарып жүрген борышкерлер саны азаймауда, бүгінгі күнде осындай әкелердің саны 2913-ке жетіп олардың алимент берешегі 3 млрд. 807 млн. теңгегі құраған. Осы төлемдердің ұзақ мерзімде өндірілмеудің негізгі себептерінің бірі - борышкердің тұрақты ресми табыс көздерінің болмауынан және тұрғылықты мекенжайының анықталмауы, яғни, борышкерлердің іздеуде болуы.

Сот орындаушылардың қаулыларына сәйкес 624 алимент борышкерлеріне қатысты іздеу жарияланып, істер уақытша тоқтылған.

Прокуратура тарапынан іздеу жариялануына байланысты уақытша тоқтатылған атқарушылық өндірістер бойынша полиция органдары қандай шаралар қабылдағаны зерделенуде.


Шымкентте «Денсаулық бұрышы» акциясы өтуде
Шымкент: 147 борышкер әкімшілік жауапқа тартылды
Сәйкес тақырыптар
Көтерілу