18 наурыздан бері Израильдің Газаға жасаған шабуылдарынан 1522 адамның өмірі қиылды, деп хабарлайды Oinet.kz тілшісі Анадолы басылымына сілтеме жасап.

2023 жылдың 7 қазанынан бері Израильдің Газа секторына жасаған шабуылдарында қаза тапқан палестиналықтардың саны 40-қа артып, 50 886-ға жетті, деп хабарлады Газа секторындағы Палестина Денсаулық сақтау министрлігі. Бұл эксклавтағы Израиль шабуылдарында қаза болғандар мен жараланғандар туралы жаңарған мәлімет. 

Соңғы 24 сағатта қаза тапқан 40 палестиналықтың мәйіті мен 146 жаралы жан аймақтағы ауруханаларға жеткізілгені хабарланды. Израиль армиясының 19 қаңтарда күшіне енген атысты тоқтату  жөніндегі келісімі бұзылғалы жасалған шабуыл кесірінен қаза тапқандар саны 1522-ге, ал жараланғандар саны 3834-ке жетті.

2023 жылдың 7 қазанынан бері Израильдің Газа секторына жасаған шабуылдарында қаза тапқан палестиналықтардың жалпы саны 50 886-ға, жараланғандар саны 115 875-ке жетті. Марқұмдардың денесі әлі күнге дейін қираған ғимараттардың қирандылары мен жолдарда қалғаны айтылды. 

Газаның денсаулық сақтау министрлігі дәрі-дәрмек қорын шұғыл толықтыруға шақырады

Газа секторындағы Палестинаның денсаулық сақтау министрлігі Израиль гуманитарлық көмек, дәрі-дәрмек пен медициналық мақсаттағы бұйымдарды әкелуге тыйым салған эксклавтағы ауруханалар мен алғашқы медициналық-санитарлық көмек орталықтарындағы дәрі-дәрмектерді дереу толықтыруға шақырды.

— Газадағы дәрі-дәрмек пен медициналық мақсаттағы бұйымдардың тапшылығы қауіпті әрі бұрын-соңды болмаған деңгейге жетті, — делінген Денсаулық сақтау министрлігінің мәлімдемесінде. 

Палестина билігі маңызды дәрі-дәрмектердің 37% қоймада жоқ екеніне және тізімдегі медициналық заттардың 59% таусылғанына назар аударды.

— Операция бөлмелері, жансақтау бөлімдері мен жедел жәрдем қызметі дәрі-дәрмек пен медициналық мақсаттағы бұйымдардың тапшылығына қарамастан жұмысын қамтамасыз етуге тырысып жатыр, — деп хабарлады Денсаулық сақтау министрлігі.

Бастапқы медициналық-санитарлық көмек көрсету орталықтарында 80 мың қант диабетімен ауыратындар, 110 мың гипертониялық науқастар дәрі-дәрмексіз қалып отыр.

— Онкологиялық сондай-ақ қан ауруларын емдеуге арналған дәрі-дәрмектің 54 пайызы бұдан былай қолжетімсіз болып тұр, — деп жазады басылым.

Палестина билігі де Израильдің Газа секторына дәрі-дәрмек пен гуманитарлық көмектің кіруіне кедергі жасап жатқанына назар аударды. Шекара қақпаларының жабылуы денсаулық сақтау саласындағы дағдарысты одан әрі ушықтырады, делінген хабарламада.

Газадағы науқастар мен жаралыларға медициналық көмек көрсетуде мәселесінде де қиындықтар байқалып отыр.