Қазақстанда төлем карточкаларын пайдалана отырып, қолма-қол ақшасыз жасалатын операциялар көлемі екі есе өсті. Бұл жөнінде Ұлттық банктің баспасөз қызметі айтты, деп хабарлайды OINET.KZ сайтының тілшісі inform.kz сайтына сілтеме жасап.

2019 жылғы 1 қазандағы жағдай бойынша, эмиссияланған және таратылған төлем карточкаларының саны - 30,6 млн болды, бұл 2019 жылғы осы кезеңдегі көрсеткіштен 43%-ға артық. 

«2019 жылғы 9 айда өткен жылдың осындай кезеңімен салыстырғанда төлем карточкаларын пайдалана отырып қолма-қол ақшасыз төлем және ақша аударымдарының жалпы көлемі екі еседен аса ұлғайып, 8,9 трлн теңгені құрады», - деп хабарлады Төлем жүйелері департаментінің директоры Ерлан Ашықбеков. 

Бүгінгі күні онлайн сервистерде 18 млн жуық пайдаланушы тіркелді, оның ішінде 34%-ы операцияларды тұрақты түрде жүргізеді. Күн сайын онлайн сервистер арқылы 21 млрд теңгеден астам сомаға 1,3 млн астам операция жүргізіледі.