Сыбайлас жемқорлық – кез келген мемлекеттің дамуына кедергі келтіретін, қоғамдағы әділдік пен сенімге нұқсан келтіретін қауіпті құбылыс. Ол ел экономикасының өркендеуіне тежеу болып қана қоймай, мемлекеттік қызметтің беделін әлсіретіп, халықтың билікке деген сеніміне кері әсер етеді. Сондықтан Қазақстанда сыбайлас жемқорлықпен күрес мемлекеттік саясаттың басым бағыттарының бірі ретінде қарастырылып келеді.

Соңғы жылдары елімізде мемлекеттік басқару жүйесінің ашықтығын арттыру, мемлекеттік қызмет көрсету сапасын жақсарту және жемқорлық тәуекелдерін азайту мақсатында кешенді реформалар жүзеге асырылуда. Бұл бағытта мемлекеттік мекемелерде алдын алу шараларына, құқықтық түсіндіру жұмыстарына және цифрландыру үдерісіне ерекше назар аударылып отыр.

Осы орайда ҚР Ауыл шаруашылығы министрлігі Ветеринариялық бақылау және қадағалау комитетінің Түркістан облыстық аумақтық инспекциясында да сыбайлас жемқорлықтың алдын алу бағытындағы жұмыстар жүйелі түрде жүргізілуде. Инспекцияда мемлекеттік қызметшілердің заң талаптарын қатаң сақтауы, әдеп нормаларын ұстануы және қызметтік міндеттерін адал атқаруы тұрақты бақылауда.

«Мекемеде сыбайлас жемқорлықтың алдын алу мақсатында түрлі семинарлар, құқықтық түсіндіру кездесулері мен «дөңгелек үстел» жиындары ұйымдастырылып келеді. Бұл іс-шараларға сала мамандарымен қатар бұқаралық ақпарат құралдарының өкілдері де қатысып, қоғамда ашықтық пен жариялылық қағидатын қалыптастыруға басымдық берілуде»,- дейді ҚР АШМ Ветеринариялық бақылау  және қадағалау комитетінің Түркістан облыстық аумақтық  инспекциясының әкімшілік және қаржылық қамтамасыз ету  бөлімінің бас маман-заңгері. Асан Жұманов.

Мамандардың айтуынша, сыбайлас жемқорлықпен күресте тек жазалау шараларымен шектелу жеткіліксіз. Ең бастысы – оның алдын алу және қоғамда жемқорлыққа қарсы мәдениетті қалыптастыру. Осыған байланысты мемлекеттік қызметкерлер арасында құқықтық сауаттылықты арттыруға, кәсіби этиканы нығайтуға және жауапкершілікті күшейтуге ерекше көңіл бөлінеді.

Сонымен қатар қазіргі таңда мемлекеттік қызмет көрсету процестерін цифрландыру жұмыстары да қарқынды жүргізілуде. Цифрлық жүйелерді енгізу арқылы қызмет көрсету процесінің ашықтығы қамтамасыз етіліп, адам факторынан туындайтын тәуекелдер төмендетілуде. Бұл өз кезегінде сыбайлас жемқорлық әрекеттерінің алдын алуға мүмкіндік береді.

Инспекция өкілдерінің пікірінше, мемлекеттік қызметші өзіне жүктелген міндетті адал әрі жауапкершілікпен атқаруы тиіс. Қызметтік өкілеттіктерді жеке мақсатта пайдалану, заңсыз сыйақы алу немесе қандай да бір заң бұзушылықтарға жол беру – мемлекеттік қызметтің қағидаттарына қайшы әрекет. Сондықтан бұл бағыттағы бақылау мен түсіндіру жұмыстары тұрақты түрде жалғасып келеді.

Сарапшылардың пікірінше, сыбайлас жемқорлықпен күресте қоғамның белсенділігі де маңызды рөл атқарады. Заң бұзушылықтарға бейжай қарамай, әділдік қағидатын қолдау – әрбір азаматтың міндеті. Қоғамда адалдық пен заңға құрмет құндылықтары қалыптасқанда ғана жемқорлық деңгейін төмендетуге болады.

Бүгінде елімізде «Заң мен тәртіп» қағидаты негізінде мемлекеттік органдардың ашықтығын арттыру, халықпен кері байланысты күшейту және азаматтардың құқықтық мәдениетін қалыптастыру бағытында жұмыстар жалғасып жатыр. Бұл бастамалар мемлекеттік қызмет жүйесіне деген сенімді арттырып, қоғамда әділдік қағидатын орнықтыруға ықпал етеді.

Мамандардың айтуынша, сыбайлас жемқорлықтың алдын алу – тек мемлекеттік органдардың ғана емес, бүкіл қоғамның ортақ міндеті. Заң талаптарын сақтау, әділдік қағидатына адал болу және қоғамдық жауапкершілікті күшейту арқылы ғана жемқорлықсыз қоғам қалыптастыруға болады.