Ақтауда прокуратура 21 жастағы Валерия Шальнованы өлтірді және зорлады деген күдікке қатысты іс бойынша айыптау қорытындысын бекітті, деп хабарлайды Oinet.kz тілшісі Lada.kz сайтына сілтеме жасап.

Жәбірленуші тараптың адвокаты Ажар Әбділ материалдар сотқа берілетінін мәлімдеді. Сот төрелігіне кедергі келтірген полиция қызметкерлері де жауапкершілікке тартылуы мүмкін. 

Күдіктіні "Жыныстық сипаттағы зорлық-зомбылықпен байланысты кісі өлтіру", “Жыныстық сипаттағы зорлық-зомбылық "және "Тонау, бөтеннің мүлкін ашық ұрлау" қылмыстық баптары бойынша соттайды.

“Тергеуші Рим Лобян басқарған жедел-тергеу тобы жүргізген тергеу жан-жақты, толық және объективті жүргізілді, дәлелдеуге жататын барлық жағдайлар анықталды”, – деді адвокат Ажар Әбділ.

Сонымен қатар тергеу барысында кейбір полиция қызметкерлерінің аса ауыр қылмысты ашуға кедергілер жасап, қылмысты жасырмақ болған фактілері анықталды.

“Оларға қатысты жеке өндіріске материал бөлініп, Маңғыстау облыстық полиция департаментінің жеке қауіпсіздік басқармасына жіберілді, онда кінәлі тұлғалардың іс-әрекеттеріне тиісті баға беріледі”, – деп толықтырды адвокат.

Еске сала кетейік, ақтаулық 21 жастағы спортшының мәйіті МАЭК су тарту каналы ауданынан табылған еді.