Ономастика, нысандарға атау беру жаупкершілікті қажет етеді. Бұл туралы Презилдент Қасым-Жомарт Тоқаев:

--Ономастика бұл – ата-бабаларымызға байланысты я белгілі тұлғалардың туысқандарының ісі емес. Бұл – мемлекеттің шаруасы. Осы саладағы барлық рәсімдерді іс жүзінде реттеу маңызды. Онда аймақтардың ерекшелігімен қатар, жалпыұлттық басымдықтар да ескерілуі керек, - деген болатын.  

Жуырда Шымкент қаласы мәслихатының кезектен тыс жиырма екінші сессиясында онамастикаға қатысты мәселесі қаралды. Оған Шымкент қаласының әкімі Ғабит Сыздықбеков қатысты.

Кезектен тыс сессияда Шымкент қаласының кейбір құрамдас бөліктеріне атау беру, қайта атау, атаулардың транскрипциясын өзгерту туралы мәселесі талқыға түсті. Жалпы, көшелерге атау беру бойынша тұрғындар тарапынан көптеген өтініштер түсіп тұратын. Кезектен тыс сессия барысында тұрғындардың өтініші бойынша маңызды шешім депутаттар тарапынан бірауыздан қабылданды.

Нақтырақ айтсақ, күн тәртібінде республикалық ономастикалық комиссияның қорытындысы негізінде Шымкент қаласының кейбір құрамдас бөліктеріне атау беру, қайта атау, олардың атауларының транскрипциясын өзгерту туралы Шымкент қаласы әкімдігінің қаулысы мен мәслихатының бірлескен оң қорытындысын беру мәселесі қаралды. Қалалық мәдениет, тілдерді дамыту және архивтер басқармасының басшысы Бауыржан Орынтаев мәлім еткендей, барлығы 283 көшеге атау беру, атауы қайталанатын 82 көше, идеологиялық тұрғыдан ескірген 6 көшені қайта атау, 6 шағынауданға және 1 аллеяға атау беру, 1 саяжайды қайта атау, 6 көшенің атауының транскрипциясын өзгерту мәселесі ұсынылды.

Ал көшелерге атау беру мәселесі AMANAT партиясының фракциясында, бірлескен комиссияда, мәслихат сессиясында мақұлданып, әрі қарай республикалық комиссияға жолданған болатын. Республикалық ономастикалық комиссия ұсынылған барлық көшені бекітті.

– Жедел жәрдем, өрт сөндіру қызметін шақырған кезде бірқатар қиындықтар туындайтын еді. Тиісті ұсынымға сәйкес, әр көше зерделеніп, жүйелі жұмыстар атқарылды. Бұл ретте өзен-су, дәстүрлі атауларға мән берілді. Қолдағандарыңызға рақмет, – деді қала әкімі Ғабит Сыздықбеков.

Сондай-ақ, шаһар басшысы жылыту маусымы басталғалы әкімдік тарапынан барлық міндеттемелер орындалғанын, әрі қарай Мүлік иелері бірлестігі (МҮБ) жұмыс істеуі қажет екенін мәлімдеді.