Қазақстанда мерзімінен бұрын президент сайлауы өтеді. Президент Тоқаев бүгін Қазақстан халқына жолдаған үндеуінде сайлаудың мерзімін 9 маусымға белгілегенін мәлім етті.
Президент өзінің үндеуінде мерзімінен бұрын сайлауды тағайындау үшін Елбасымен ақылдасқанын, Конституциялық кеңеске жүгінгенін, Парламент палаталары басшыларымен, саяси партия жетекшілерімен кездесіп, кеңескенін айтты.
-Мен сайлаудың ашық әрі әділ өтуіне кепіл боламын,-деді Тоқаев.
Соңғы жылдары Қазақстанда президент сайлауы үнемі мерзімінен бұрын өтіп келеді. Соңғы жылдары ол 2005 жылы ғана өз мерзімінде өткен. Соңғы президент сайлауы 2015 жылдың сәуірінде өткен болатын. Онда Нұрсұлтан Назарбаев 97 пайыз дауыспен жеңіске жеткен.
