Бүгін Түркістан қаласына жұмыс сапарымен келген Президент Қасым-Жомарт Тоқаев зиялы қауым өкілдерімен болған жиында өзінің негізгі ұстанымдарын айтып өтті:
- Әділеттілік жоқ қоғам ешқашан дамымайды. Тек қиыншылық, тауқімет, құлдырау болады. Қоғамдағы әділеттілік, ең алдымен, атқарушы билікке байланысты. Үкіметтің, министрлердің, барлық деңгейдегі әкімдердің, полицияның, Прокуратураның, соттардың басты мақсаты - азаматтардың құқығын қорғау.
Мұндағы менің басты ұстанымым анық, айқын. Бұл - заңның үстемдігі. Заңнан жоғары ештеңе болмау керек. Орталық және жергілікті органдардың басшыларына қатысты орынды шағым түскен жағдайда олардың бәрі жазаланатын болады, - деді мемлекет басшысы.
