Қоғамның дамуы мен мемлекеттің тұрақты өркендеуіне кедергі келтіретін негізгі факторлардың бірі – сыбайлас жемқорлық. Бұл құбылыс азаматтардың мемлекеттік органдарға деген сенімін төмендетіп қана қоймай, заң үстемдігі қағидаттарының әлсіреуіне және әлеуметтік әділеттіліктің бұзылуына себеп болады. Сондықтан елімізде сыбайлас жемқорлықтың алдын алу, адалдық құндылықтарын дәріптеу және қоғамда жемқорлыққа қарсы мәдениетті қалыптастыру бағытындағы жұмыстарға ерекше көңіл бөлінуде.

Осы мақсатта Түркістан облысының дін істері және қоғамдық даму басқармасының қызметкерлерімен сыбайлас жемқорлыққа қарсы мәдениетті қалыптастыруға арналған маңызды кездесу өткізілді. Іс-шара барысында мемлекеттік қызметтегі ашықтықты қамтамасыз ету, заң талаптарын сақтау және қоғам сенімін нығайту мәселелері кеңінен талқыланды.

Кездесуде сыбайлас жемқорлықтың қоғам өміріне тигізетін зардаптарына ерекше назар аударылды. Мамандардың айтуынша, жемқорлық мемлекеттік институттардың тиімді жұмысына кедергі келтіріп қана қоймай, әлеуметтік әділдік қағидаттарының бұзылуына, азаматтардың құқықтарының шектелуіне және қоғамдық дамудың баяулауына себеп болуы мүмкін. Сондықтан әрбір мемлекеттік қызметші өзінің кәсіби қызметінде заңдылық пен әділдік қағидаттарын басшылыққа алып, қоғам мүддесін жеке бастың мүддесінен жоғары қоюы тиіс.

Жиын барысында сыбайлас жемқорлыққа қарсы іс-қимыл саласындағы заңнама талаптары жан-жақты түсіндірілді. Қатысушыларға мемлекеттік қызметшілердің құқықтары мен міндеттері, қызметтік әдеп нормалары, сыбайлас жемқорлық құқық бұзушылықтарының алдын алу тетіктері және заң талаптарын бұзған жағдайда туындайтын жауапкершілік мәселелері жөнінде ақпарат берілді.

Сонымен қатар қоғамда адалдық пен ашықтық қағидаттарын нығайтудың маңыздылығы айтылды. Адалдық – мемлекеттік қызметтің негізгі құндылықтарының бірі болса, ашықтық мемлекеттік органдар мен азаматтар арасындағы сенімді нығайтудың басты тетігі саналады. Қызметтік міндеттерді атқару барысында әділдік пен объективтілікті сақтау, азаматтарға тең дәрежеде қызмет көрсету және шешім қабылдау кезінде заң талаптарын басшылыққа алу мемлекеттік қызметшінің басты міндеті екені атап өтілді.

Кездесуде дін істері және қоғамдық даму саласының қоғамдағы рухани тұрақтылықты, қоғамдық келісімді және азаматтық белсенділікті дамытудағы маңызына тоқталды. Аталған сала қызметкерлері тұрғындармен, үкіметтік емес ұйымдармен, жастармен және қоғамдық бірлестіктермен тығыз байланыста жұмыс істейтіндіктен, олардың қызметіндегі ашықтық пен адалдық қағидаттары ерекше маңызға ие. Бұл өз кезегінде қоғамда сенім мен өзара құрметті нығайтуға ықпал етеді.

Сондай-ақ жауапкершілік, әділдік және ашықтық қағидаттарын сақтау мәселелеріне ерекше назар аударылды. Қатысушыларға мемлекеттік қызметтің беделі әрбір қызметкердің кәсіби біліктілігіне ғана емес, оның адамгершілік қасиеттері мен этикалық ұстанымдарына да байланысты екені түсіндірілді. Сондықтан сыбайлас жемқорлыққа қарсы мәдениет ең алдымен әр адамның жеке жауапкершілігі мен адалдық ұстанымынан басталатыны айтылды.

Іс-шара барысында мемлекеттік қызмет жүйесінде енгізілген жаңашылдықтар жөнінде де ақпарат берілді. Атап айтқанда, 1 сәуірден бастап күшіне енген мемлекеттік қызметке іріктеудің жаңа жүйесі, мемлекеттік қызметшілерді ауыстыру тәртібі мен ротация мәселелері түсіндірілді. Сонымен қатар «Е-қызмет» ақпараттық жүйесіндегі жеке істерді толықтыру тәртібі және Қазақстан Республикасы Президентінің жанындағы Мемлекеттік басқару академиясына қабылдау шарттары мен қажетті құжаттар тізбесі жөнінде жан-жақты мәлімет ұсынылды.

Кездесу қорытындысында қатысушылар тарапынан қойылған барлық сұрақтарға толық әрі жан-жақты жауаптар берілді. Сондай-ақ мемлекеттік қызметте адалдық қағидаттарын нығайту, құқықтық сауаттылықты арттыру және сыбайлас жемқорлықтың алдын алу бағытындағы жұмыстарды жалғастыру қажеттігі айтылды.

Жиын соңында сыбайлас жемқорлыққа қарсы мәдениет қалыптастырудың маңызы тағы бір мәрте атап өтіліп, әділдікке негізделген қоғам құру әрбір азамат пен мемлекеттік қызметшінің ортақ міндеті екені жеткізілді. Адал еңбек пен заңға құрмет қана қоғамның тұрақты дамуы мен халық сенімінің артуына негіз болатыны айтылды.