Отбасы — адамның өміріндегі ең маңызды әлеуметтік орта. Ол тек қана қоныс емес, адамның қалыптасуына, тәрбиесіне, сезімдеріне әсер ететін үлкен жүйе. Отбасында әр адам өзіндік рөл атқарады, және осы рөлдер өзара үйлесім мен түсіністік арқылы отбасының тұрақтылығын қамтамасыз етеді.

Әйел мен ер адамның рөлі, әдетте, дәстүрлер мен заманауи үрдістердің әсерінен айқындалады. Әйел отбасының ұйытқысы ретінде ғана емес, сондай-ақ үйдің жағдайын жақсарту, баланы тәрбиелеу, күйеуіне қолдау көрсету сияқты міндеттерді де мойнына алады. Ал ер адам көбіне отбасының асыраушысы, қорғаушысы болып табылады. Ол еңбекпен табыс тауып, отбасының қажеттерін қамтамасыз етуге жауапты. Бірақ бұл екі рөлдің арасында тепе-теңдік болуы маңызды. Кез келген отбасы мүшесінің бір-біріне деген құрметі мен жауапкершілігі – тыныштық пен үйлесімділіктің негізі.

Балалар болса, ата-анасының тәрбие мен қолдауынан дұрыс бағыт алып, жауапкершілікті сезініп өседі. Олар да өз рөлін, ата-анасына көмектесуді, үйде өз міндеттерін орындауды үйренеді. Кішкентай кезден бастап отбасы мүшелерінің әрқайсысының міндеттерін түсіну, бір-біріне қамқор болу, өзара әрекеттесу — балалардың өмірлік дағдыларын қалыптастырады.

Отбасындағы рөлдердің дұрыс бөлінуі, бірін-бірі тыңдау мен қолдау көрсетудің маңызы зор. Бұл отбасылық байланысты нығайтып, барлық мүшелерінің үйлесімді түрде дамуына жағдай жасайды. Отбасы — бұл тек қана бірге өмір сүретін адамдардың тобы емес, ол – өзара сүйіспеншілік, түсіністік пен жауапкершіліктің ортасы.

Ақбота Бақытжан, 

Қ.А.Яссауи атындағы ХҚТУ студені