Абай облысында әлеуметтік желіде кір жуғыш машинада мысықтың өлімі бейнеленген видео жариялаған әйел әкімшілік жауапкершілікке тартылды. Оған 10 АЕК (43 мың теңгеден астам) айыппұл салынды, деп жазады  Оinet.kz.

Оқиға алғаш рет Threads желісінде таралып, қоғамда үлкен резонанс тудырды. Пайдаланушылар құқық қорғау органдарынан жағдайды тексеруді талап еткен.

Жазбада баланың мысықты мұздатқышқа салып, кейін кір жуғыш машинаның ыстық режимін қосқаны айтылған. Автор балалардың қараусыз қалғанына назар аударған.

Полиция департаментінің мәліметінше, тексеру нәтижесінде оқиға абайсызда болғаны анықталған. Жануар иесі әкімшілік жазаға тартылды.