Алматыда қоғамдық көлікте қызға шабуыл жасаған ер адамға қатысты тергеу жүргізіліп жатыр, деп жазады Оinet.kz.

Куәгерлердің айтуынша, белгісіз ер адам автобустағы қызды кенеттен мойнынан тартып, сүюге тырысқан. Алайда өзге жолаушылар оқиғаға дереу араласып, күдіктіні автобустан шығарған.

Қазіргі уақытта шабуыл жасаған адамның тұлғасы анықталды: ол ұсталып, полицияға жеткізілді.

Полицияның хабарлауынша, азамат психоневрологиялық есепте тұрған. Сол себепті оны арнайы медициналық мекемеге жіберген. 

«Құқық қорғау органдары барлық қажетті шараларды жүзеге асыруда, оқиғаның толық мән-жайы анықталып, заңды шешім қабылданады», — деп хабарлады Алматы қалалық полиция департаментінің баспасөз қызметі.