«Біз қона алмаймыз»: Оңтүстік Кореяда апатқа ұшыраған ұшақ жолаушысының соңғы хабарламасы жарияланды

Оңтүстік Кореяда апатқа ұшыраған ұшақтың жолаушысы туысына хат жазып үлгерген, деп хабарлайды Oinet.kz тілшісі Life.ru басылымына сілтеме жасап.

Оңтүстік Кореядағы Муан әуежайындағы ұшақ апатынан қаза тапқандардың бірінің туысы жақынының соңғы хабарламасын жариялады.

"Ұшақ қанатына құс тиіп кетті,  біз қона алмаймыз", – деп жазған марқұм жергілікті уақыт бойынша сағат 09:00-де.

Оңтүстік Кореядағы апатқа ұшыраған ұшақта қазақстандықтар болды ма – Сыртқы істер министрлігі жауап берді
Оңтүстік Кореяда ұшақ апатына байланысты жеті күндік аза тұту жарияланды
Туысы бұл жағдай қашан болды деп сұрағанда, ол: "Дәл қазір. Соңғы сөздерді айтатын кез келген сияқты?”, – деп жазған ол. 

Осы хабарламадан кейін онымен байланыс үзілген.

Еске салсақ, бұған дейін 29 желтоқсанда Оңтүстік Кореяда ұшақ апаты болып, 179 адам мерт болған еді.