Шымкентте тұрақты түрде жәрмеңке өтеді
Қаланың экономикасының дамуында сауда-саттықтың алар орны ерекше. Сауда-саттық арқылы халық өзіне қажеттіге қол жеткізе алады. Сауда-саттық арқылы халықтың төлем қабілеттілігін анықтауға болады. Сауда-саттықта ең маңызды аспектінің бірі - тұрақтылық. Тұрақтылық болған жерде экономикалық өсім болады.
Осыған орай, Шымкентте әлеуметтік маңызы бар 19 түрлі азық-түлік тауарларының бағасын тұрақтандыру мақсатында, Қаратау ауданда 16 ірі сауда үйінде мониторинг жүргізіледі. Бұл туралы Қаратау ауданының әкімі Абзал Әлімқұлов «akimat_shymkent» парақшасында өткен тікелей эфирде мәлімдеді. Аудан аумағында әр жексенбі сайын Нұрсәт ш/а «Рахима-плаза» сауда үйінің жанында 192 кәсіпкердің қатысуымен азық-түлік жәрмеңкесі өткізіледі.
Аталған жәрмеңкелерде аудан әкімдігінің қызметкерлері әр апта сайын карантин талаптарын сақталуын, таңғы 8:00-ден 15:00-ге дейін қатаң талаппен қадағалауда.
Сонымен қатар, Қаратау ауданы тұрғындарын сапалы, төмен бағада халық тұтынатын тауарлармен қамтамасыз ету мақсатында Түркістан облысы Төле би, Ордабасы аудан әкімшілігімен меморандум түзіліп сауда орындары берілді.
