Адам сыны (Ел аузынан)

Алақаны үлкен кісі - алымсақ.

Аузы үлкен кісі - несібелі.

Бас-терісі қалың болса - ұйқышыл.

Беті қызыл кісі - ұятқа зәру. 

Бойы қысқа адам - сұм.

Бойы ұзын адам - ақкөңіл.

Бүкір адам - кердең.

Ерні жұқа адам - сөзшең.

Ерні қалың кісі - ашушаң.

Жасында қалжыңқой - өскенде мылжың.

Желкесі шұқыр кісі - кесірлі.

Жыпылық көзді - жасқаншақ.

Кең маңдайлы - сабыр иесі.

Көзі көктің - былшыл сөзі көп. 

Көзі кішкене кісі - қу.

Көзі үлкен кісі - қорқақ.

Күлім көзді - жалпақ шешей.

Қалқан құлақ кісі - сөзге ерме.

Қолы өте ұзын кісі - ұсақ мүдделі.

Қолы тым қысқа кісі - шәлкес мінезді.

Мұрынды адам -өктем, батыл.

Ойнақы көзді - суайт.