Oinet.kz — ақпараттық-сараптамалық сайт

«Бандамыз» деп жаңажылдық құттықтау жолдаған полиция шенеунігі қызметінен қуылды

03.01.2019 | 11:03
«Бандамыз» деп жаңажылдық құттықтау жолдаған полиция шенеунігі қызметінен қуылды

ҚР ІІМ Қарағанды академиясы бірінші курс басшысының орынбасары А.Тастайбеков қызметінен қуылды. Бұл туралы ҚР ІІМ Ішкі және сыртқы коммуникациялар департаментінің директоры Алмас Садубаев Фейсбуктегі парақшасында жазды, деп хабарлайды ҚазАқпарат тілшісі.

«Тәртіптік комиссия шешімімен Қарағанды академиясының бірінші курс басшысының орынбасары А.Тастайбеков мемлекеттік қызметтің беделін түсіретін әрекеттер жасаған теріс қылығы үшін ішкі істер органдарынан шығарылды. Сонымен қатар оқу орнының басшылығы мен оның тікелей бастығы да қатаң тәртіптік жазаға тартылды», - деп жазды Алмас Садубаев. Естеріңізге сала кетсек, әлеуметтік желіде полиция киіміндегі қызметкердің құттықтауы тарады. Полиция қызметкері құттықтау сөзінде қылмыс әлемінің адамдары жиі пайдаланатын сөздерді айтқаны үшін жұртшылықтың сынына ұшырады. Осыған байланысты ҚР ІІМ Ішкі және сыртқы коммуникациялар департаментінің директоры Алмас Садубаев бұған дейін түсінік берген болатын.





 
Көрілді: 825
Жаңартылған: 03.01.2019 | 11:06
Категориялар: Басты жаңалықтар, Саясат