ОҚО көші-қон қызметі бөлімінің бастығы ұсталды

Оңтүстік Қазақстан облысы Ішкі істер департаментінің көші-қон қызметі бөлімінің бастығы ұсталды. Ішкі істер министрлігінің мәліметінше, шенеунік 10 сәуірде пара алу кезінде қолға түскен. Бұл туралы Sputnik Қазақстан хабарлайды.

    «Н. Төлегенұлы Ауғанстанның төрт азаматына Қазақстанның азаматтығын алуға көмек көрсету үшін пара алу кезінде ұсталды», – делінген хабарламада.

Пара алу үстінде қолға түскен Оңтүстік Қазақстан облысы Ішкі істер департаментінің көші-қон қызметі бөлімінің бастығы уақытша ұстау абақтысына қамалды. Қазір бұл іске қатысты тергеу амалдары жүргізілуде.