Oinet.kz — ақпараттық-сараптамалық сайт

Елбасы Ұлттық банк төрағасы Данияр Ақышевті қабылдады

14.08.2017 | 20:15
Елбасы Ұлттық банк төрағасы Данияр Ақышевті қабылдады

    Кездесуде Мемлекет басшысына Ұлттық банктің еліміздің қаржы секторын ілгерілету жөніндегі жұмыстарының қорытындысы туралы есеп берілді деп хабарлайды Ақорда сайты.

     Қазақстан Президенті қазір ұлттық валютаның еркін айырбас бағамы саясатының жүргізіліп жатқанын айтып, Ұлттық банктің инфляция өсіміне жол бермеу жөніндегі міндетін ерекше атап өтті.

      Сонымен қатар, Д.Ақышев Нұрсұлтан Назарбаевқа валюта және қаржы нарығындағы қазіргі ахуал туралы баяндады.

   "Жалпы, ахуал тұрақты. Қазір тамыз айының басында ішкі және сыртқы сипаттағы жекелеген факторлар әсерінен болған ауытқулардан кейін айырбас бағамы тұрақтанды. Алаңдауға еш негіз жоқ,"– деді Ұлттық банк төрағасы.

Елбасы кездесу соңында бірқатар нақты тапсырма берді.

 
Көрілді: 148
Жаңартылған: 14.08.2017 | 20:19
Категориялар: Басты жаңалықтар, Саясат