Oinet.kz — ақпараттық-сараптамалық сайт

Қазақстанда 264 адам жат ағымның көзқарасынан бас тартты

29.07.2017 | 15:30
Қазақстанда 264 адам жат ағымның көзқарасынан бас тартты

Жыл басынан бері деструктивтік діни ағымдардың қызметінен зардап шеккен 1134 адам оңалтылды, деп хабарлайды ҚР Дін істері және азаматтық қоғам министрлігінің баспасөз қызметі. «Бұл радикалды және деструктивтік діни ағымдардан зардап шеккендерге көмек көрсету орталықтарының белсенді жұмысы нәтижесінде орындалды. 2017 жылдың бірінші жартыжылдығында ел аумағында 5 мыңна астам іс-шара өткізіліп, 6 630 адам қамтылды. Экстремизм мен терроризмге қарсы іс-қимыл жөніндегі мемлекеттік бағдарлама аясында білікті теолог, дінтанушы, психолог және діни берлестіктер мен үкіметік емес ұйымдар өкілдерінің қатысуымен жүргізілген жұмыс осындай нәтижелерге қол жеткізуге мүмкіндік берді», - делінген хабарламада. Қазақстанда оңалту жұмыстарына Астана, Алматы қалаларының және облыстардың Дін істері басқармалары мен оңалту орталықтары жұмылдырылған. Атап айтқанда, барлық өңірлерде Діни проблемаларды зерттеу орталықтары, «Насихат» консультациялық-оңалту орталығы» (Көкшетау қ.), ҚМДБ жанындағы О. Есенұлы атындағы оқу-оңалту орталығы, «Нұрлы білім» ҚБ (Қарағанды қ.), «Аңсар» ақпараттық-талдау орталығы» (Ақтөбе қ.), «Шапағат» деструктивтік діни ағымдардан зардап шеккендер көмек көрсету (Атырау қ.) орталықтары жұмыс жасайды. Аталған оңалту орталықтарының қызметі экстремисттік сипаттағы деструктивтік діни ағымдардың ықпалынан зардап шеккендерді оңалту және бейімдеу арқылы халықтың радикалдану деңгейін төмендетуге бағытталған. Сондай-ақ, ақпараттық түсіндіру және оңалту жұмыстары қылмыстық-атқару жүйесі мекемелерінде де жүргізілуде. Өңірлік Дін істері басқамаларымен бірінші жартыжылдықта 3 888 кездесу ұйымдастырып, оған 18 мыңнан астам адам қамтылған. Оның қорытындысы бойынша 264 адам өздерінің деструктивтік діни көзқарастарынан бас тартты. Еске сала кетейік, ҚР Дін істері және азаматтық қоғам министрлігі уәкілетті және жергілікті атқарушы органдармен бірлесіп радикалды және деструктивтік діни идеологияның ықпалына түскен тұлғаларға теологиялық және психологиялық оңалту жұмыстарын ұйымдастыру бойынша кешенді шаралар қабылдауда.

 

 
Көрілді: 469
Жаңартылған: 28.07.2017 | 15:38
Категориялар: Құбыла, Басты жаңалықтар