Oinet.kz — ақпараттық-сараптамалық сайт

Шымкентте жас келіншекті азаптап өлтірген жігіт пен оның сыбайластары сотталды

21.10.2018 | 11:18
Шымкентте жас келіншекті азаптап өлтірген жігіт пен оның сыбайластары сотталды

Шымкентте жас келіншекті азаптап өлтірген жігіт пен оның сыбайластары сотталды. Қалалық қылмыстық істер жөніндегі мамандандырылған ауданаралық соты айыпталушының бірін 15 жылға бас бостандығынан айырды.

Қалалық қылмыстық істер жөніндегі мамандандырылған ауданаралық сотының мәліметінше, мәйітті жерлеген екі жігіт пен тағы бір жасөспірімге бас бостандығын шектеу жазасы тағайындалды.

Айта кетейік, жұрттың жағасын ұстатқан қылмыстық оқиға ағымдағы жылдың наурыз айында Қайнарбұлақ саяжайында болған еді. Сотталушы мен оның сыбайласы таныс келіншекпен ішімдік ішкен. Алайда араларында ұрыс шығып, екі жігіт әйелді өлтірген. Оны алдымен қатыгездікпен ұрып соғып, бетон плитасымен бас сүйегін жарған. Үстіне бензин құйып, өртеген. Кейіннен мәйіттен құтылмақшы болып, оқиға орнына 18-ге енді ғана толған екі танысы мен тағы бір жасөспірімді шақырған. Оларды қорқыту арқылы мәйітті жерлеуге мәжбүрлеген. Тергеу кезінде кісі өлтірушінің бірі ұсталып, уақытша тергеу абақтысына қамалды. Ал, оның сыбайласы әлі күнге іздестіріліп жатыр.

Осыған дейін Шымкентте 9 жасар қызға зорлық әрекеттерін жасаған күдікті ұсталғандығы хабарланған болатын.

 
Көрілді: 716
Жаңартылған: 23.10.2018 | 11:29
Категориялар: Басты жаңалықтар, Өңір