Oinet.kz — ақпараттық-сараптамалық сайт

Оқушылардың жүктемесі азайтылады

16.01.2018 | 13:13

 

Президент Н. Назарбаев «Төртінші өнеркәсіптік революция жағдайындағы дамудың жаңа мүмкіндіктері» Қазақстан халқына жыл сайынғы Жолдауында Қазақстандағы оқушылардың жүктемесі ТМД елдерінің ішінде ең жоғары болып отырғанын және ЭЫДҰ елдеріне қарағанда орта есеппен үштен бір еседен көп екенін атап өтті. Мемлекет басшысы оны төмендетуді тапсырды.

-Бүгін Үкімет үйінде өткен брифингте Білім және ғылым министрлігі мектепке дейінгі және орта білім беру департаментінің директоры Шолпан Каринова оқушыларға жүктемені азайту бойынша жүйелі әрі мақсатты бағдарланған жұмыстар жүргізіп жатқанын атап өтті,-деп хабарлады премьер-министрдің ресми сайты.  2017 жылдың сәуір айында «Үй тапсырмасын реттеу туралы» бұйрық қабылданды. Соның нәтижесінде, бүгінде балаларға арналған үй тапсырмалары ⅓ қысқартылды.

Сонымен қатар Ш. Каринова бұйрық білім берудің барлық деңгейлерінде және әр пән бойынша нақты нормалар көрсетілгенін айтты. Үйде орындалатын оқу жүктемесі 150 минуттан аспауы керек.

Оқушыларға жүктемені азайту жұмыстары жалғастырылып жатыр. Бүгінгі күні бұл мәселені педагогикалық қоғамдастық кеңінен талқылауда. Санитарлық талаптарға бес жұмыс күніне сай келетін нормалар енгізілді. Қазір министрлікте оқушының апталық жүктемесін азайту бойынша жұмыс тобы қызмет көрсетеді.

bb8265976b021cec4cb34f718d12e22c resize w 1200 h 678

 
Көрілді: 766
Жаңартылған: 16.01.2018 | 13:16
Категориялар: Қоғам, Басты жаңалықтар