Oinet.kz — ақпараттық-сараптамалық сайт

Шымкентте мұғалімдер жұмысқа электронды түрде қабылдануда

12.01.2018 | 09:21
Шымкентте мұғалімдер жұмысқа электронды түрде қабылдануда

 

-Оңтүстік Қазақстанда қала өмірін оңтайландыру мақсатында «Smart-City» – «Ақылды қала» жүйесі ендіріле бастады. Бүгінгі таңда, «Ақылды қаланың» үлгілік концепциясы бекітіліп, қолжеткізу индикаторы айқындалған. Бұл туралы облыстық әкімдікте өткен «Цифрлық Қазақстан» мемлекеттік бағдарламасының іске асырылу барысы талқыланған жиында айтылды,-деп хабарлады ОҚО әкімінің баспасөз қызметі.

Жиында мәлім болғандай үлгілік концепцияға сәйкес «Ақылды қаланы» дамыту бағытына 11 сала енгізілген. Олар - білім, денсаулық сақтау, тұрғын үй-коммуналдық шаруашылығы, әлеуметтік сала, көлік, мемлекеттік басқару, ауыл шаруашылығы, экология, туризм, қауіпсіздікті қамтамасыз ету мен құрылыс саласы. Бүгінгі таңда цифрлық кеңсе тарапынан әрбір бағалауға енгізілгін салалар бойынша цифрлық технологияларды енгізу жоспары әзірленді. 

Қазірдің өзінде Шымкент қаласында білім саласы бойынша біршама смарт жүйелер жүзеге асырылуда. Мәселен, оқушылардың білім сапасын жақсарту мақсатында облыстағы 779 мектепте «Күнделік» жүйесі енгізілді. Сонымен қоса адами фактор мен сыбайластық әрекетті болдырмау мақсатында балғындарды балабақша мен 1-сыныпқа электронды түрде қабылдау жобасы енгізілді. Қазіргі кезде осы қызметтің арқасында 23 мыңнан астам бала қаланың балабақшаларына сәтті орналасса, тіркелу үшін 64 мыңнан астам жолдама берілген. 

Бұдан бөлек, қалада педагогикалық ұжымды іріктеу жүйесін автоматтандыру мақсатында t-hunter бағдарламасы енгізілді. Осы арқылы шымкенттік мұғалімдер жұмысқа электронды түрде қабылдануда. Жобаны жүзеге асыру барысында 700-ден астам үміткер қатысып, оның 491 жалпы орта білім беру ұйымдарына мұғалім ретінде жұмысқа алынған.

Электронды форматқа көшіру бойынша жұмыстар жүйелі түрде жүргізілетінін жеткізген облыс әкімінің орынбасары облыстағы білім саласын әрі қарай дамытудың жоспарын ұсынды.

565 1

 
Көрілді: 1414
Жаңартылған: 12.01.2018 | 09:24
Категориялар: Қоғам, Басты жаңалықтар