Oinet.kz — ақпараттық-сараптамалық сайт

Сарыағашта электр станциясының құрылысы басталды

13.11.2017 | 16:52

 

Ұлт Жоспары «100 нақты қадамда» қамтылған Елбасының кәсіпкерлікті дамыту тапсырмасына орай Оңтүсчтік Қазақстан облысы Сарыағаш ауданында күн сәулесінен электр қуатын өндіретін станцияның құрылысы басталды. Бұл туралы ОҚО әкемінің баспасөз қызметі хабарлады.

Сағатына 20 мВТ тоқ шығаратын заманауи нысанның іргетасы Жылға ауылдық округінде қаланып отыр.

Құрылыстың салтанатты ашылу рәсіміне Сарыағаш ауданының әкімі Қайрат Абдуалиев, аудандық маслихат хатшысы Жәнібек Сүлейменов, «ЕкоПроТех-Астана» ЖШС директоры Назиржон Темиров және Жылға ауылының бір топ тұрғындары қатысты.

Жалпы құны 14 млрд. теңгені құрайтын жобаны іске асыруды  «EcoProTech-Astana» ЖШС қолға алып отыр. Құрылыс жұмыстарының жалпы жер аумағы 41 гектарды  құрайды. 

Айта кетейік,  «EcoProTech-Astana» ЖШС құрылтайшысы германиялық «DAY ENERGY GmbH» компаниясы. Аталған мекеме энергияны жаңарту саласындағы жобаларды дамыту мен фотовольттық панельді және су энергиясын өндіруге негізделген.  Күн сәулесінен өндірілген электр энергиясын теміржол саласына қолдану жобасы әлемде алғаш рет қолға алынып отыр.

Қазіргі таңда «EcoProTech-Astana» ЖШС-гі мемлекеттік сараптама қортындысын алып, жобаны қаржыландыру үшін банктермен келісім-шарт жасасып жатыр.  Сондай-ақ, олар жобаға қажетті құрал-жабдықтарды жеткізіп беретін компаниялармен келісім жасасып, алғашқы қаржыларын аударып та қойған.

1 226

  

 
Көрілді: 225
Жаңартылған: 13.11.2017 | 16:53
Категориялар: Қоғам