Oinet.kz — ақпараттық-сараптамалық сайт

Cайрамда ет және сүт қабылдау бекеттері ашылды

11.09.2017 | 12:15
Cайрамда ет және сүт қабылдау бекеттері ашылды

      Оңтүстік Қазақстан облысында кооперативтердің белсенділігі артып келеді. Оған дәлел Сайрам ауданы Қарабұлақ ауылында ет және сүт қабылдау бекеттері ашылуы. Атап айтқанда, Елбасының  «Қазақстан 2050» Стратегиялық жоспарында кооперативтердің жұмысын жандандыру туралы тапсырманы  іске асырып отырған «АгроНұрИнвест» ауылшаруашылығы өндірістік кооперативі мал бордақылау мен сою бекеттерін іске қосып, жұмысты жаңа бағытта іске асыруға кірісті.  

      ОҚО әкімінің баспасөз қызметі мамандарының хабарлауынша аталған пункт 40 мыңнан аса халқы бар Қарабұлақ ауылдық округінде орналасқан. Субсидияландыру бойынша мемлекеттен қолдау алған бұл жобаның құны 9 млн. теңгені құрайды. Биылғы жылдың 22 ақпанында құрылған қооперативте бүгінде 130 мүше бар. Қазіргі таңда бордақылаудағы мал басы 6130 басқа жеткен. Әрбір жеке шаруаның орта есеппен бір айлық табысы 170 мың теңгеге пара-пар.

    Бұдан бөлек, дәл осы ауылдан «Қарабұлақ сүт» ауыл шаруашылығы кооперативі жалпы құны 48 млн теңгені құрайтын 4 сүт қабылдау бекетін іске қосып отыр. Кооператив бүгінде сиыр басын 800-ге жеткізіпті.  «Ауыл шаруашылығын қаржылай қолдау қорынан» қаржы алған кооперативтегі әрбір жанұяның орташа бір айлық табысы 178,5 мың теңгені құрайды.

 
Көрілді: 103
Жаңартылған: 11.09.2017 | 12:18
Категориялар: Қоғам, Қоғамдағы басты жаңалықтар