Oinet.kz — ақпараттық-сараптамалық сайт

Ташкентте қоғамдық тәртіпті бақылау күшейтілді

09.08.2017 | 09:34
Ташкентте қоғамдық тәртіпті бақылау күшейтілді

Ташкентте 1 қыркүйекте ел тәуелсіздігіне 26 жыл толғанын тойлау қарсаңында "қоғамдық тәртіпті бақылау" мақсатында рейд жүргізіліп жатыр. Ташкент қалалық ішкі істер басқармасының хабарлауынша, 30 шілдеде басталған ондаған үй мен пәтерді және мекемелерді тексеру қорытындысы бойынша, төрт жарым мыңнан астам әкімшілік хаттама толтырылған. Тіркеуге тұрмағаны үшін хаттамалар толтырылып, жүздеген адам "әкімшіліік құқық бұзғаны үшін" профилактикалық есепке қойылған деп хабарлайды Азаттық тілшісі.

Өзбекстан былтыр авторитарлық президент Ислам Каримов қайтыс болып, бұл ел либерализацияға қарай бірер қадам жасағалы бері тәуелсіздік күнін бірінші рет атап өтпек. Бірқатар сарапшылар Өзбекстанның жаңа басшылығының аздап либералдық саясат ұстана бастауын "уақытша" деп болжайды.

"Антитеррор-Тазалау" деп аталатын операция аясында тұрғын үй массивтері мен махаллаларда түсіндіру жұмыстары жүргізіліп, көп қабатты үйлерге қосымша бақылау камералары орнатылды.

 
Көрілді: 228
Жаңартылған: 09.08.2017 | 09:37
Категориялар: Басты жаңалықтар, Әлем