Абай мерейтойына арнап 27 келілік кітап жарық көрді

Oinet.kz 27-02-2020 984

Шымкент қаласында Ұлы ақын Абай Құнанбайұлының 175 жылдық мерейтойына орай салмағы 27 келілік кітап жарық көрді, деп хабарлайды Baq.kz порталына сілтеме берген Oinet.kz. 

4dc7eac780341ec1091ff278f6864e6e.jpg

Ақынның туған жерінде өтетін мерекеге тарту ретінде жасалған бұл ерекше сыйды қаладағы №1 жалпы орта кешкі мектебі мен №167/3 түзету мекемесінің ұжымы бірлесіп ұйымдастырыпты. Кітаптың тұсаукесері №167/3 түзету мекемесінде өтті. Кешкі мектептің ұстаздар қауымы ақынның өлеңдерін жатқа оқып, поэзиялық кеш ұйымдастырды. Әннен шашу шашты.

Көлемі мен салмағы жағынан еліміздегі ең үлкен кітапқа Абайдың қара сөздері жинақталған. 24 беттен тұратын кітаптың көлемі – 122 х 90 см. №1 жалпы орта кешкі мектеп директоры Исақ Асанов алып кітап алдағы аптада Алматыдағы Қазақстан рекордтар кітабына тіркеуге жіберілетінін айтады. Одан соң, Абайдың туған еліне жөнелтілмек.

Елімізде бағасы 3 миллион теңге тұратын көлік жасалмақ
Сенат қазақ қыздарына үйленіп жатқан қытайлар туралы мәселе көтерді
Сәйкес тақырыптар
Көтерілу