Бүгін ҚР Президенті Қасым-Жомарт Тоқаев Түркістан қаласына келді. Мемлекет басшысы әуелі Қ.А.Ясауи кесенесіне ат басын бұрып, «Әзірет Сұлтан» қорық-музейін жаңғырту жоспарымен және «Ұлы Дала елі» орталығы, облыстық әкімдік пен басқармалар ғимараттарының, сондай-ақ, Конгресс холл, Медиа орталықтың құрылыс барысымен танысты.
Жиын барысында Тоқаев әкімдер халықпен тығыз байланыста жұмыс істеу керектігін айтты. Жылына бір-екі рет есеп беру - көзбояушылық екенін де ескертіп өтті. Осыны айта келе, Президент Түркістан облысының әкімі Өмірзақ Шөкеевтің жұмысына оң баға берді.
